¿Van darnos as eleccións galegas do
21-O as claves da aceptación que ten o Goberno de España? Pois non
e si, o que é unha resposta moi galega. Galicia pasou a ser estes
días o campo de batalla da política nacional. Aquí viñeron os
principais espadas políticas. Imaxino o sorriso co que os galegos
oirían en castelán cal é o remedio aos seus problemas. Os galegos
non van poder afastarse da actual situación econonómica en que se
celebran as súas eleccións, as primeiras cun Goberno conservador en
maioría, unhas eleccions con tantos e tantos recortes que, segundo
di o Goberno, poden ser fame para hoxe, pero pan para mañá; cunha
prima de risco que non deixa de subir e cuns investidores que
escapan de España como as lebres ante unha perdigonada.
Así que imos votar non só a Feijóo
ou Pachi Vázquez-as voces dos seus amos-, senón tamén a Rajoy e a
Rubalcaba, que para algo viñeron aquí. Non imos recomendar a quen
deben votar, por suposto, pero cando voten, que pensen que están
votando non só ao Goberno galego da Xunta, senón que van votar
tamén ao Goberno de Madrid.
Por outro lado, a romaría dos debates
para mover o mercado electoral non nos aclarou nada. Ningunha
proposta, só críticas. Os nacionalistas moi divididos e aos
socialistas aínda lles pesa a herdanza de Zapatero; e a uns e
outros, a pantasma de bipartitos ou ata tripartitos. E golpes e máis
golpes ao contrario, intentando romperlle o espiñazo e meter en
cintura a Feijóo, favorito nas enquisas. Ían comelo cru. Pero
escapoulles vivo....¡e iso que algúns levaban a gadaña ben afiada
aproveitando os ventos desfavorables da crise! O paro en Galicia que
non para, as pensións conxeladas, as preferentes, o naval, o
copago...E non sigo para non aburrilos.
No hay comentarios:
Publicar un comentario