Coas medidas de axuste o Goberno non
aforra o que prometeu. Para empezar, unha parte da paga extra dos
funcionarios que agora lles quitan, volvería ao erario público en
forma de impostos e o tipo marxinal máis alto. Ademáis, o que lles
quedase desa paga extra de Nadal iría parar ao consumo e o Fisco
recadaría máis por IVE, un imposto que nalgúns casos se triplica.
Todas estas tesoiradas supoñen para cada galego un desembolso
adicional de máis de mil euros.
Total, que se Keynes, con cuxas teorías
económicas se superou unha crise mundial, resucitase, volvería á
tumba.
¿Pero por que toma Rajoy estas
medidas? Pois porque a bancarrota das caixas lle estourou na cara.
Claro que un banco non é a tenda da esquina que se pecha dun día
para outro e non pasa nada. Nun banco hai saldos, hipotecas e sobre
todo confianza. Confianza que se pode perder e que á xente lle entre
medo e retire o diñeiro, un diñeiro que sempre é covarde; ainda
que nos EEUU hai uns anos si deixaron caer bancos, e o mesmo
aconteceu recentemente nalgún país europeo. As medidas duras e
dificiles deben ser ademais xustas e eficaces. Outros países xa
empezan a ver a saída do túnel e nós acabamos de entrar nel. E
nada celebraría tanto como equivocarme.
(18/07/2012)
*Para ver o orixinal pinchade aquí
No hay comentarios:
Publicar un comentario